Dj Dagz ka komentuar krisjen e marrëdhënies me Luiz Ejllin dhe ka zbuluar arsyen se përse kohë më parë e fshiu atë nga rrejtet sociale.
I ftuar në emisionin “Canape.t7” DJ Dagz shprehet se i ka shumë inat personat që bullizojnë të tjerët dhe për këtë arsye tashmë është larguar nga Luizi, teksa tregoi se ky i fundit është tallur keq me partneren e tij, Einxhel Shkira kur ajo ka qenë shtatzënë me djalin e tyre, Trev.
Ish-banori u shpreh se e ka përkrahur Luizin deri në atë moment që ai ka bullizuar nënën e fëmijës së tij, ndërsa pas kësaj ngjarje ai ka vendosur që ta “zhdukë” nga rrjetet sociale.
“Unë nuk kam qenë shumë i lidhur me ‘Big Brother Vip 2’, por e kam parë që Luizi shpesh herë më ka përmendur dhe përshëndetur. E kam përshëndetur edhe unë dhe e kam përkrahë, por më pas e kam fshirë nga ‘Instagrami’ sepse më kanë ardhur 200 mesazhe me fotografi që kur ka qenë Enxhi shtatzënë ai ka bërë një status dhe komente për shtatzëninë e një gruaje pa marrë parasysh nëse është gruaja ime apo e dikujt tjetër, por ai është tallur me shtatzëninë e Enxhit. Unë nuk i pëlqej ata njerëz sepse ky bullizim dhe ofendimet po i lëndojnë shumë njerëzit, ka pasur raste kur njerëzit ia kanë marrë jetën vetes.”– u shpreh ai.
